Вечерва, 30 јуни, Јупитер и Венера ќе се доближат толку многу, што ќе изгледаат како да се една планета. Овие планети се оддалечени милиони километри една од друга.
Венера и Јупитер се најсветлите планети кои се гледаат од планетата Земја. Спојувањето ќе се случи кога орбитите на Венера и Јупитер ќе бидат на истата страна на Сонцето. Венера орбитира 225 дена, Земјата 365 дена, а Јупитер 4.330 дена, па шансите за ова соединување се навистина многу ретки.
Следното соединување ќе се случи идната година во август, но ќе се гледа само од одредени места. Овој пат ќе може да се набљудува и од кај нас во текот на целата вечер, кога ноќното небо ќе се осветли од двете соединети планети.
- Глетката е прекрасна. Многу е необично две сјајни планети да бидат вака близу. Многумина ќе се прашуваат што гледаат, но тоа е само една природна случајност, изјави Робин Скагел, заменик претседател на друштвото за астрономија.