Русија ќе прати шест научнички на симулација на лет до Месечината и назад, за да проучи како реагираат женскиот ум и тело на таков вид стрес. Експериментот ќе трае 8 дена, а за него се одбрани вкупно 10 жени од кои само мал број ќе одат на патување со летачки симулатор.
Русија и претходно спроведувала експерименти со мажи за симулација на патување на Марс во траење од 519 дена.
- Сакаме да одиме на Месечината и таму да поминеме подолго време, па корисно е да ги тренираме не само мажите туку и жените со такви летови, пишува Московски Косомолетс.
Сергеј Пономарјов кој се наоѓа на врвот на Советот на млади научници и стручњаци од институтот за медицински и биолошки проблеми, објаснува дека се потребни повеќе информации за тоа што се случува со женското тело во вселенски услови.
- Нашите дами по прв пат ќе ја испробаат центрифугата на краткиот пречник, што е едно од најголемите достигнувања во вселенската биологија. Оваа техника би требало да го спречи негативното влијание на микрогравитацијата. До сега не сме ги направиле овие експерименти со изолација и не знаеме како ќе се носат жените со нив, смета Сергеј.
Наместо да бараат волонтерки, одбрани се научнички кои веќе работат во руската вселенска програма.