Малиот робот Филе, кој се наоѓа на површината на кометата 67Р/Чурјумов-Герасименко повторно замолчел. Научниците велат дека можеби ја променил местоположбата, што можеби му ја отежнало комуникацијата преку сондата Розета.
Европската вселенска агенција соопштила дека од лендерот немало ни трага ни глас од 9 јули. Менаџерот на проектот Стефан Уламек судејќи според промената на осветлувањето на соларните плочи на Филе, смета дека тој ја променил позицијата.
Научниците планираат се уште да му праќаат команди, а се надеваат дека Филе не умрел и дека повторно ќе реагира. Мисијата сега ќе се фокусира на Розета, која ја следи кометата и нејзиниот пат околу Сонцето.