Вашингтон, 22 јули 2015 (МИА) - По повеќе од четири децении, Американската вселенска агенција (НАСА) објави прва целосна фотографија од Земјата.
Глетката на сината планета ја овековечил сателитот DSCOVR (Deep space climate observatory), од оддалеченост од 1,6 милиони километри, со помош на CCD камера и телескоп EPIC (Earth Polychromatic Imaging Camera).
Фотографијата го прикажува целосното подрачје на копнените и морски површини на нашата планета.
Од 1972 година, и фотографиите кои ги сними вселенскиот брод Аполо, НАСА објавуваше само делумни снимки од Земјата, направени од пократки растојанија.