Вечерва на небото ќе се појави т.н. Сина Месечина, која е ретка појава, но мошне интересна. Последната Сина Месечина ја видовме пред две години, а следната ќе може да се види дури за три, односно на 2 јануари 2018 година.
Сепак, доколку си мислевте дека Месечината ќе биде во сина боја, сте се излажале. Феноменот можеби го носи ова име, но всушност се однесува на тоа дека ова е втора полна месечина во еден месец. Првата полна месечина во јули, се појави на 2 јули. Овој феномен се случува бидејќи нашите календарски месеци не се совпаѓаат со орбитата на Месечината, која трае 27,3 дена. Затоа секои две до три години се појавува Сина Месечина.
Теоретски, Сина Месечина може да се појави секој месец во годината освен во февруари, според Лери Кјупик, астроном кој го има изучувано овој феномен. За да го видите не треба да правите ништо посебно, затоа што Месечината и онака ќе биде полна, па лесно ќе ја забележите на ноќното небо.