Астрономите пронашле планетарен систем со три супер Земји, кои орбитирале околу светла ѕвезда. Овој планетарен систем бил во М форма, а се наоѓал во северната хемисфера, на оддалеченост од 21 светлосни години од Земјата.
Се состои од четири тела - три супер Земји кои орбитираат околу ѕвездата наречена HD219134. Супер Земјите имаат поголема маса од Земјата, но се полесни од Нептун, Сатурн или Јупитер. Може да се составени од гас, карпи или од двата елементи. Научниците ја истражувале една од четирите планети, односно планетата со најмала орбита, HD219134b.
- Средната густина на планетата е слична со густината на Земјата, што покажува сличен состав на планетите. Се наоѓа многу близу до ѕвездата, а температурата и е околу 430°С. Најверојатно површината се топи, нешто слично како лава, па животот овде не е возможен, изјави Стефан Адри од универзитетот во Женева, кој учествувал во ова истражување.
Иако планетите не се погодни за живеење, ѕвездата е интересна од друга причина. Имено, ова е најблиската транзитна ѕвезда позната на научниците и нуди ретка можност за понатамошни истражувања за нејзиниот состав и атмосферата.