Деновиве низ светот проструи вест дека наредниот месец во периодот помеѓу 15-ти и 28-ми планетата Земја ќе биде погодена од астероид.
Според информациите кои беа пласирани во јавноста, астероидот треба да го погоди регионот на Порторико и да нанесе значителна штета на Мексиканскиот Залив.
По ова НАСА излезе со официјално соопштение во кое негира дека постои било каква закана за планетата.
-Не постои научна основа, ниту еден доказ дека астероид или било какво друго небеско тело ќе ја погоди Земјата во тој временски период, вели Пол Чодас кој работи на уредот за следење на небески тела.
За волја на вистината од НАСА велат дека сите потенцијални астероиди имаат помалку од 0, 01 шанси да ја погодат планетата во следните 100 години.
-Доколку постои објект доволно голем да нанесе толкава штета до сега би го виделе, порачува Чодас.