Месечина или рѓосано тавче? Малку чудна споредба, но ако подобро ги погледнете фотографиите кои беа објавени на Twitter профилот на НАСА ќе забележите дека понекогаш нема голема разлика помеѓу месечините на Јупитер и обично тавче фотографирано под вистинскиот агол.
НАСА побара од своите следбеници да ја пронајдат Европа, месечината на Јупитер помеѓу една од 9-те понудени фотографии на кои се фотографирани тавчиња.
Истите се дело на норвешкиот фотограф Кристофер Џонасен, како дел од проектот Devour.
Инаку Европа е една од најинтересните месечини за истражување бидејќи исполнува миниум три услови за живот и тоа: постоење на вода во течна состојба, присуство на хидроген пероксид и кислород како и постоење на извор на енергија.