Научниците го открија најсофистицираното оружје кое постои. Станува збор за DE-STAR системот за уништување на астероиди што би ја заштитил Земјата во случај на удар.
Системот е дело на физичарот Филип Лубин и Гери.Б Хјуџис, истражувач и професор. Способноста на направата да уништи астероиди е ставена на тест со помош на базалт, тврда вулканска карпа, со слична цврстина како и астероидите.
Кон парче базалт е насочен ласерски зрак додека истото не се вжешти до бела боја, процес при што се нагризува материјалот од примерокот. Ова ја менува масата на карпата и создава ракетен погон, користејќи ја самата карпа како гориво.
Во вселената еден ваков ласер ќе биде доволно моќен да го смени движењето на било кој астероид.
- Во суштина настанува процес на сублимација или испарување, при што цврстиот материјал или течноста се претвора во гас, објаснуваат научниците.
Тие го тестирале ласерот и со ротирачки базалт насочувајќи го зракот во спротивната насока за да се забави ротацијата.
- Нашите лабораториски експерименти јасно покажуваат дека постои практичен начин да се смени насоката на ротација и самиот правец на движење на астероидите, вели Лубин.