НАСА објави неверојатни фотографии од Плутон, на кои се гледа површината на планетата. Фотографијата која ја испратил New Horizons, е панорама, која е фотографирана во моментот кога Сонцето заоѓало.
Од фотографијата, научниците забележале дека Плутон има ледена површина, формирана од неколку слоеви на магла. Токму слоевите на водород покажуваат дека климата на Плутон е мошне слична со климата на нашата планета со оглед на тоа дека постојано се менува.
- Плутон ни покажува различни форми од површината создадени од процесите кои претставуваат конкуренција на сè што до сега сме виделе во сончевиот систем. Ако некој уметник ја нацртал планетата Плутон, уште пред да се појават овие фотографии, најверојатно би била врвна, смета Алан Стерн, главен научник на мисијата во Југозападниот истражувачки институт во Колорадо.
Новите фотографии откриваат можни песочни наноси, азотни ледени санти кои најверојатно ја формираат ледената површина, па дури и мрежа на долини кои можеби се формирале поради материјалот кој се наоѓа врз Плутон. Исто така, прикажани се и големи региони безредни планини.
- Површината на Плутон е сложена колку што е сложена и на Марс. Безредните планини може да се големи блокови полни со мраз кои лебдат врз огромната површина.
New Horizons, ја направил оваа фотографија на 14 јули и ја испратил со доволно податоци кои ќе им помогнат на научниците повеќе да ја проучат планетата.