Во текот на следните десет години NASA во вселената ќе лансира сателити со опрема која ќе служи за истражување на темната материја, егзопланетите и оддалечените галаксии кои не се наоѓаат во ниските орбити околу земјата, туку на оддалеченост од милиони или повеќе километри.
Со оглед на искуството со дефектот и сервисирањето на телескопот Hubble, NASA е свесна дека скапите проекти како WFIRST-AFTA можат да пропадната поради дефекти и мали оштетувања, па затоа развива проект на сервисни вселенски работилници за кои моментално го тестираат американско-кандаскиот робот Dextre.
Но, за роботот механичар-лимар да биде доволно функционален, потребно е да се опреми со „очи“ кои на операторите на земјата ќе им овозможат да го видат секој дел од леталото, сончевите плочи, алатките и опремата за да можат да вршат инспекција и евентуални поправки.
Затоа NASA развива „роботски очи“, односно систем под називот VIPIR (Visual Inspection Poseable Invertebrate Robot), кој ќе биде опремен со секундарна моторизирана камера.
Благодарение на моќниот вид, VIPER ќе им помогне на операторите да ги видат аномалиите и да им помогне во поправките.