Едно ново истражување покажува дека насобраните стари ѕвезди, познати како глобални кластери, би можеле да кријат планети, кои се погодни за вонземски живот. Многу астрономи претпоставувале дека планетите во ѕвездените кластери, најверојатно се исфрлени во вселената, но тие истите планети можеби некогаш биле идеални за живот, а вонземјаните би можеле многу поедноставно да патуваат меѓу нив.
Можеби постојано ги бараме вонземјаните на погрешно место, а тие можеби се кријат во неистражените ѕвездени кластери, сметаат научниците.
Астрономите долго време верувале дека тој дел од вселената е толку густ со ѕвезди, што било која планета оттаму би била исфрлена во вселената. Поради фактот што во тие кластери многу планетарни состави се близу еден до друг, било која цивилизација би можела релативно едноставно да се прошири и да продолжи со постоењето милијарди години. Тоа истовремено би значело дека се постигнати низа комплексности со кои би се овозможило комуникација со Земјата.
- Ако постоело напредно општество во тие услови, можело да се воспостават колонии многу поедноставно, бидејќи се работи за многу мала одалеченост, заклучува астрофизичарката Росан ди Стефано.
Млечниот пат има околу 150 глобални кластери, создадени од најстарите ѕвезди. Но, најчесто ова место се занемарувало при барањето на вонземјани, а астрономите во тие состави до сега пронашле само една планета – која не е „кандидат“ за потенцијален живот.
Астрономите би требало да продолжат со потрагата во тие кластери, тврди ди Сетфано, бидејќи може да откирјат нови возбудливи откритија.