Поранешен американски војник по 44 години одлучи да проговори за она што се случило во пустина во Нов Мексико во 1971 година. Тој кажал дека заедно со уште 500 војници видел НЛО во близина на Розвел, место на кое пред 24 години е забележан најпознатиот случај на НЛО во светот.
Неименуваниот војник изјавил дека она што го видел во тие пет часа, ќе го прогонува до крајот на животот. Во 1971 година, бил стациониран во Форт Блис во Тексас, кога ги пратиле на воени маневри во пустина во Нов Мексико, западно од светски познатиот Розвел.
За време на ноќната стража, заедно со останатите војници, видел два летачки објекти.
- Првиот го забележавме како се приближува од север и наеднаш застана. Другиот објект ни доаѓаше од запад. Во наредните пет часа, летачките објекти летаа по небото над пустината.
Воедно,изјавил и дека објектите биле во кружен облик, но не можела да се утврди нивната големина, бидејќи висината на која се движеле била релативно нејасна. Следниот ден кога се нашле со сите на ручек, зборувале за НЛО, но не се знае зошто никој тогаш не излегол во јавноста со информации.
Во 1947 година, во Розвел паднал непознат објект, а потоа се појавиле гласини дека се работи за НЛО. Американските власти не биле добро координирани при известувањата, што уште повеќе ги терало луѓето да мислат дека се работи за вонземјани. Во конечниот извештај стои дека се срушил американски балон.