Во неделата, ракетата SpaceX Falcon полета од Калифорнија и во вселената однесе сателит за следење на климатските промени, но со големи потешкотии слета на платформата на Тихиот океан, при што дошло до експлозија.
- Основниот дел на ракетата успеа да се спушти на платформата, но се приземји многу грубо и се скрши една „нога“ при што дошло до експлозија, напишал на Twitter сопственикот на компанијата, Илон Маск.
Ракетата полетала од воздушната база Ванденберг на калифорниското крајбрежје околу осум часот навечер. Успешното слетување на океанската платформа би било големо постигнување на оваа ракета. Тоа бил клучен чекор во проектот на Маск за развој на евтини ракети кои би можеле да се користат повеќе пати.
Двата претходни обиди на слетување на океанот во 2015 година, биле исто така неуспешни. Сепак, ракетата успешно го однела во орбитата американско-европскиот сателит Jason-3. Сателитот тежок 550кг е четврти од истата серија, кој ќе ги анализира океаните за следење на климатските промени на Земјата.