Зошто на толку планети и небески тела се уште не пронајдовме докази за постоењето на вонземјани? По претпоставките дека во нашиот универзум живеат и тие, најверојатно се во „многу рана фаза на развој“.
Ова го тврди астрономот од Харвард, Димитар Саселов, кој се потрудил да ја објасни теоријата на Фермиеловиот парадокс. Тој реферира дека фактот што Земјата се наоѓа опкружена во бројни галаксии и милијарди ѕвезди, излегува дека на многумина од нив би можело да постои живот. Но, зошто тогаш до сега не пронашле докази дека постојат вонземјани и дека не сме сами во Вселената?
Саселов вели дека тоа не значи дека вонземјаните не постојат, туку дека уште не еволуирале доволно.
- Околу 200 милиони галаксии во делот на Вселената кои можеме да ги набљудуваме покажуваат огромен потенцијал дека во наредните милиони и милијарди години на нив се развива живот. Поради фактот дека планетите и животот во нашата Вселена се млади и човечкиот вид е можеби меѓу првите кој се развил, смета научникот.
Тој тврди дека планетите можеби настанале пред најмногу девет милиони години и дека Земјата и планетите кои се поголеми од неа најверојатно почнале да се формираат пред седум до осум милијарди години. Значи и самиот развој на живите суштества можел да почне во овој временски интервал, поради сложените хемиски процеси кои му претходеле. Саселов заклучил дека „Фермиевиот парадокс“ е точен само ако временската рамка за создавање на живот е многу пократка од создавањето на Вселената.
НАСА се согласува со овој научник и тврди дека вонземјаните ќе ги пронајдеме за 10 до 20 години и тоа во форма на мали микроби.
- Кога зборуваме за други видови на живот во вселената, не зборуваме за „малите зелени“ туку за мали микроби, изјавила Елен Стофан од НАСА.