Астрономите забележаа бранови од радио сигнали во далечната веселена.
Овие кратки сигнали, уште познати и како FRBs, не се ништо ново во светот на астрономијата, но ова е прв пат да се повторуваат и тоа од исто место, лоцирано надвор од нашата галаксија.
Во изминатата година се забележани дури 10 бранови од сигнали во периодот од мај до јуни. При анализата на претходните податоци, е регистриран уште еден сигнал од истото место, што бил пратен уште во 2012-та.
-Знаев дека тоа што го открив ќе биде мошне важно за истражувањето на природата на FRBs, вели астрономот Пол Шолц, кој ги забележал сигналите откако ги разгледувал податоците од радио телескопот Аресибо во Порторико.
Научниците се уште не можат да ја одредат точната локација од каде што доаѓа сигналот, но судејќи по количеството на плазма што се распрснало додека да стигнат до Земјата, станува збор за место надвор од Млечниот пат.