Зборовите големо, огромно или џиновско ни одблизу не можат да го опишат она што астрономите го открија во Вселената. Се работи за т.н. BOSS Голем ѕид, супер галаксија, која има радиус од милијарди светлосни години, што значи дека претставува најголема структура забележана до сега.
Скратеницата BOSS доаѓа од името Baryon Oscillation Spectroscopic Survey, меѓународен проект во кој би требало да се мапираат галаксии и квазари. Ѕидот се состои од 830 галаксии распоредени во четири супер-јата, поврзани со огромни количини врел гас. Структурата потсетува на саќе.
-На пошироки размери, Вселената потсетува на космичка мрежа на материи, на која овие ѕидови се најсилни јазли, изјави истражувачот Џошуа Сокол.
BOSS е 10.000 пати поголем од Млечниот пат и за 2/3 поголем од претходниот голем ѕид, Sloun, откриен во 2003 година.