Поминаа 4000 дена откако роверот на НАСА, Opportunity започна да ја истражува површината на црвената планета, а машината сними неверојатна глетка.
Роверот забележал вител прашина на Meridiani Planun, местото каде што се наоѓа уште откако слета на Црвената планета во 2004 година.
- Ова е најдобриот вител прашина кој сме го виделе во овој регион. Среќни сме што истото се забележа на камера, изјави Реј Арвидсон, заменик на главниот истражувач за Opportunity.
Научниците знаат дека со години се формираат витли прашина на почвата на Марс. Во 2012 година, орбитерот Mars Reconnaissance забележа прашина во висина од 19км. Тие се формираат на ист начин на кој се формираат и на Земјата, иако атмосферата на Марс е многу потенка во споредба со нашата.