Најавен е нов проект со кој се планира лансирање на мало вселенско летало до Alpha Centauri - најблискиот ѕвезден систем до нашиот, кое ќе испраќа слики и податоци кои назад на земјата ќе пристигнат во рок од една генерација.
Амбициозниот предлог е наречен Breakthrough Starshot и е објавен од билионерот Yuri Milner, професорот Stephen Hawking, и останати научници и експерти. Овој истражувачки проект од 100 милиони долари ќе проба да докаже дека е возможен предложениот концепт за меѓуѕвездено патување со помош на малечок сателит со ласерски напојувано едро.
Сателитот, наречен StarChip, всушност ќе биде минијатурно нано-летало со големина колку да се собере помеѓу два прста, на кое што ќе биде прицврстено едро. Потоа, низа од ласери од Земјата со помош на ласерски зрак од 100 гигавати испукан во едрото, за неколку минути ќе го забрзуваат до 20% од брзината на светлината.
На „обично“ вселенско летало би му требале над 30 000 години да помине 4.37 светлосни години (40 трилиони километри), колку што е оддалечена Alpha Centauri, додека на ова нано-летало за истиот пат би му биле потребни „само“ 20 години.
Во план е испраќање на стотици, па и на илјадници вакви сателити.
Покрај Milner и Hawking, проектов е поддржан и од Mark Zuckerberg и Ann Druyan (вдовицата на Carl Sagan, кој уште во 1976-та ја предложил идејата за соларно едро). Оваа програма ќе биде водена од Pete Worden, поранешен директор на AMES Research Center на NASA