Британскиот астронаут Тим Пик им се придружи на многу ентузијасти на традиционалниот Лондонски маратон. Но, наместо да трча на патеката долга 42км, тој истрча на 400км над Земјата, односно во Меѓународната вселенска станица.
Тим трчал на посебно прилагодена лента за трчање, со специјален еластин кој го држел да не лебди. Го срушил рекордот и истрчал маратон за 3 часа и 21 минута. На овој начин трчала маратон и Сунити Вилијамс, која им се придружила на маратонците од Бостонскиот маратон во 2007 година и истиот го истрчала за 4 часа и 24 минути.
Пик се наоѓа на Меѓународната вселенска станица од декември и оттогаш редовно објавува фотографии и видеа од Вселената на своите социјални мрежи.