Поминувањето на Меркур пред Сонцето или попознато како транзит започна денес во 13:12, а ќе заврши во 20:40 часот. Истото ќе биде видливо и од кај нас, но мора да се набљудува внимателно.
Оваа појава е иста како и помрачувањето на Сонцето, единствена разлика е во тоа што Месечината може да го поклопи целото Сонце, додека Меркур е толку мала планета што не може да се види со голо око. Ако пак се гледа со телескоп, ќе може да се забележи една мала точка на Сонцето. Сепак, штетно е да се гледа со телескоп без поставени филтри.
Поминувањето на Меркур ќе се гледа од Северниот Атлантик, а невидлив е од Австралија и Западен Пацифик.