Малечката европска земја Луксембург потпиша договор со американската компанија DSI (Deep Space Industries) за ко-развивање на првото вселенско летало на DSI, наречено Prospector X.
Владата на Луксембург ќе ги финансира истражувачките и развивачките проекти на DSI со цел да се направи и усоврши технологијата за изработка на летала со кои астероидите би се копале за минерали, а кои како погонско гориво би користеле вода (како ресурс кој во изобилство го има во вселената)
Prospector X ќе оперира во ниската земјина орбита, тестирајќи ги навигациските, погонските и авионските технологии кои би ги користела идната генерација на вселенски летала– првенствено, се очекува да го отвори патот за нано-летала способни да ги истражуваат минералните ресурси астероидите, за да се одлучи на кој да се копа.
Главните ресурси кои ќе се „ловат“ ги вклучуваат скапоцените метали како платината и иридиумот, како и вода и лед кои би се користеле за гориво, или за создавање на воздух за дишење.
Луксембург исто така ќе работи на создавање на нови закони кои би им дозволиле на компаниите да ги задржат минералните ресурси ископани од астероидите, што би им одговарало на идните вселенски „рударски“ компании.
Идентичен закон веќе имаат донесено САД, и е наречен Space Act.