Michelle Kunimoto, 22 годишен додипломски студент по физика и астрономија од UBC (University of British Columbia) открил 4 нови планети надвор од нашиот сончев систем.
Планетите, т.е „кандидати за планети“ (додека не бидат верификувани) се со разни големини: две се со големина на Земјата, една е колку Меркур, а четвртата е малку поголема од Нептун. Токму таа е особено интересна – под каталошко име KOI (Kepler Object of Interest) 408.05, се наоѓа на 3200 светлосни години далечина од земјата и е егзопланета која се наоѓа во зоната на нејзината ѕвезда каде што температурите би овозможиле услови за вода па и за некој вид на живот.
Според зборовите на Kunimoto, малку веројатно е самата планета да има карпеста површина или океани, но многу возможно е доколку околу неа има големи месечини, водените површини да се наоѓаат на нив.
До ова откритие дошол после неколку месечно разгледување на податоците на NASA превземени од Kepler сателитот, со цел да пронајде нешто коа поминало незабележано од останатите научници. Тој и неговиот универзитетски професор ги поднеле своите наоди во Astronomical Journal (кои објавуваат научни истражувачки трудови), а на UBC се враќа во септември каде што ќе го продолжи школувањето, барајќи нови планети и истражувајќи дали може да се развие живот на нив.