Кина заврши со инсталирањето на последното парче од најголемиот радио телескоп во светот, со пречник од 30 фудбалски игралишта, кој се наоѓа во провинцијата Guizhou. (Гижу). Тој е изграден во природна дупка, која го заштитува од електромагнетните пречки и му овозможува на моќниот приемник (дизајниран со помош на австралиски научници) да ги прима сигналите од вселената.
Овој 500 метарски Aperture Spherical Telescope или скратено FAST, се состои од 4450 рефлективни панели и ќе се користи за истражување на некои од најмистериозните објекти во универзумот, како што се црните дупки и пулсарите, а покрај тоа ќе биде и во постојана потрага по интелигентен живот во вселената.
FAST, чија изработка чини 185 милиони долари, ќе биде способен да детектира радио бранови кои доаѓаат од вселената со многу повеќе детали отколку сите досегашни телескопи, и ќе им овозможи на научниците да гледаат назад во времето во хидрогенските гасови кои постоеле уште пред да се оформат првите галаксии.
Дизајнот е многу сличен на претходниот најголем радио телескоп во Arecibo Observatory во Порто Рико, со тоа што неговиот дијаметар е 305 метри.
Сега следува неколку месечно дебагирање пред официјално да почне да функционира некаде во септември.