Vera Mulyani, таканаречен „Марсхитект“, во 2015-та го оформила студиото Mars City Design наменето за развивање на планови за изградба на првиот самоодржлив град на Марс.
Таа успеала да подигне над 30.000$ долари преку Kickstarter кампањата кои ќе бидат инвестирани за градење на три 3D принтани прототипи во реална големина на „Марсовски“ градови, на тест полигон на Reaction Reseach Society во пустината Мохаве.
Специјално селектирани инженери, дизајнери и архитекти од целиот свет, во септември ќе се соберат во работилница во University of Southern California за да го планираат изгледот на првите потенцијални градови на Марс.
Според зборовите на Mulyani, тимовите прво ќе истражат како одреден град би функционирал како целина, а потоа би се развиле плановите за како би изгледале и функционирале индивидуалните живеалишта. Би се започнало со база за 4 луѓе, која потоа би прераснала во град во кој би живееле 1000 луѓе.
Работилнициата, меѓу многуте други, ќе биде посетена и од Jim Ericson (проект менаџерот на Mars Exploration Rover од NASA), Madhu Thangavelu (професор од Viterbi School of Engineering) и пилотот на Apollo 11, Buzz Aldrin.
На конкурсите биле пристигнати 25 дизајни, од кои во потесен избор се влезени следниве:
- урбано живеалиште со затворен речен систем и вештачки водопади наречено Neurosynthesis,
- автономно живеалиште кое користи реголит (материјал од камен) како извор на кислород, вода, енергија и исхрана, наречено Project Dandelion („глуварче“),
- Vertical Farms за производство на храна и намалување на зависноста од испораки од Земјата,
- Instant Structure – технологија која вклучува ласерски експлозии со кои брзо би се креирале конструкции,
- Mars Research Facility – истражувачка колонија која ќе користи материјали од планетата и градежни техники потпомогнати од суперкомпјутери за да се одржува живеењето на луѓето на планетата и
- The Mars Living Machine, дизајн кој ќе ги испитува сите аспекти на тоа како екстремните услови на Марс можат да ја обликуваат архитектурата.
Од сите овие ќе бидат избрани 3 победнички дизајни кои ќе се изградат/испринтаат во пустината Мохаве.