Нашата планета и Венера имаат слична големина и маса, но иако во тој однос се скоро идентични, разликите во температурата се огромни – највисоките температури на Венера достигнуваат до 427°C, што би ги убило повеќето живи форми на Земјата. Венера исто така има многу малку вода, околу 100 000 пати помалку отколку Земјата. Иако сето ова ја прави нашата „сестринска планета“ неспособна за развивање живот, некои истражувачи велат дека не било отсекогаш така.
Леталото Venus Express, лансирано од Европската Вселенска Агенција, потврдило дека Венера, за време на нејзината еволуција, исфрлила огромни количини на вода во вселената преку ултравиолетовата радијација која ја искоренила сета вода низ атмосферата.
Исто така се покажало дека деутериумот (тешка форма на водород) бил отсутен од атмосферата на Венера, што сугерира дека планетата некогаш имала голема количина вода на неа. Сето тоа наведува на можноста дека кога планетата не била пресушена, била погодна за одредени форми на живот.
За да се одреди точно колку вода имала Венера претходно, NASA планира кон неа да испрати неколку различни мисии. Една од нив би вклучувала испуштање на сонда на површината на самата планета, додека со друга би се испратила сонда која би орбитирала околу планетата и би ја сликала нејзината површина.