Според нова студија, животот на Земјата можеби е резултат од огромен судар помеѓу Земјата и друга планета, пред околу 4.4 билиони години. Научниците сметаат дека таков планетарен судар би можел да објасни како јаглеродот, кој е основа за секоја жива форма базирана на него, се појавил на земјината површина.
Кога планетата била многу млада, била и екстремно топла, поради вулканските активности кои ја правеле буквално една голема, стопена маса – во едно такво опкружување, теоретски, секоја трага на јаглерод би била уништена.
Геолозите од Rice University сега сугерираат дека судар на Земјата, откога веќе била оладена, со планета слична на Меркур, би довело до ситуација да нашата планета го апсорбира јаглеродот од неа со што би се создале услови за оформување на живот. Оваа хипотеза го објаснува и фактот што јаглеродот останал на земјината површина, а не се сплотил со нејзиното јадро, каде што создавање на живот би било невозможно.
До ова мислење се дошло со вршење на лабораториски експерименти со хидраулична опрема при висок притисок и високи температури, за да се види кои хемикалии и услови би можеле да доведат до односот на елементите кои се наоѓаат во земјината кора. Од експериментите било заклучено дека составот на елементите и нивниот однос би бил сосема возможен доколку нашата планета „изела“ некоја помала од неа.
Иако ова сценарио дефинитивно е возможно, се работи за (сега-засега) груба хипотеза која треба уште многу да се испитува за да се потврди нејзината веродостојност.