Изминатите неколку месеци, Rosetta орбитерот на Европската Вселенска Агенција испраќаше вредни податоци во врска со кометите: од каде доаѓаат, од што се направени, како функционираат и сл. Наскоро, овој орбитер ќе има драматичен крај – намерно и „самоубиствено“ во камикази стил ќе се струполи врз површината на кометата 67P/Churyumov-Gerasimenko.
Научниците кои стојат зад проектот Rosetta, благодарејќи на орбитерот, пронашле комплексна цврста органска материја во честичките прашина од кометата. Претходните мисии не дозволувале собирање на ваков материјал бидејќи леталата кои се користеле биле пребрзи при прелетувањето и не биле во состојба да ги соберат честичките без да ги узурпираат, додека Rosetta сондата била способна да го забави движењето и успеала да собере 27 000 честички прашина, доволни за спектрометарот COSIMA да ги анализира.
Биле пронајдени скоро 200 честички кои содржеле комплексна форма на јаглерод – толку комплексна што научниците не ја ни очекувале, и сè уште не можат да и дадат формула или име.
Овие честички се недопрени неколку билиони години, и резултатите кои ќе ги дадат истражувањата врз нив ќе ни покажат од што се состоел еден од нај примитивните материјали од раната историја на нашиот Сончев систем.