Русија повторно влегува во вселенската трка слично како и во 60-тите и 70-тите години од минатиот век, но овој пат не со САД туку самата со себе.
Иако скоро целиот развој на денешната вселенска технологија се фокусира кон интергалактички патувања и можно колонизирање на нови планети, Руската вселенска агенција Roscosmos објави планови за испраќање на мисии со човечки екипаж на Месечината некаде помеѓу 2025-та и 2045-та година.
До тогаш ќе бидат поминати повеќе од 60 години од мисијата Apollo 11 и познатите зборови на Нил Армстронг („Ова е мал чекор за човекот, но огромен за човештвото“), кои буквално ја завршија вселенската трка помеѓу САД и тогашниот Советски Сојуз.
Во истражувањата околу тоа колку лесно ќе биде нивните космонаути да чекорат на Месечината, русите дури користат технологија од 1970-тите со цел да проценат колку ќе треба да ја унапредат. Тие ќе имаат помош и од Европската Вселенска Агенција (ESA), како и од компанијата RSC Energiа која ќе им помогне да развијат нови и подобри вселенски одела за на Месечината.
Иако многу експерти овој потег го критикуваат бидејќи сметаат дека ваков тип на мисија е застарена и само ја нагласува Руското технолошко назадување, Roscosmos остануваат на нивната замисла и велат дека по завршувањето на првичните експерименти, ќе почнат да развиваат концепти на лунарни бази, писти, и останати критични елементи.