Сенатот во Комитетот за трговија, наука и транспорт на САД одобри двопартиски предлог закон со кој што NASA би добила 19.5 билиони долари за да продолжи да работи на мисија кон Марс, а истиот вклучува и подршка за продолжување на програмата за испраќање на астронаути на приватни ракети (од Американска територија) кон Интернационалната Вселенска Станица, не подоцна од 2018-та.
Сепак, Сенатот прво треба да го одобри сето ова во целина – тие нема да и ги дадат парите на NASA „ради ред“, само колку да има некакви истражувања, бидејќи законот ги обврзува една од официјалните цели да им биде испраќање на човечки екипаж на Марс во наредните 25 години.
Фондот би бил распореден во неколку компоненти: $4.5 билиони на истражување, скоро $5 билиони на вселенски операции, и $5.4 билиони на наука. Од овие фондови би бил финансиран и контроверзниот план на NASA да се испраќаат луѓе на астероиди за да собираат примероци од нив, што треба да се случи до 2021-ва год.
Ова покажува дека, ако ништо друго, и двете партии се согласуваат дека истражувањето на вселената е витално за растењето на една нација, како и на целото човештво – останува да видиме дали предлогот ќе биде одобрен од Сенатот.