Откога се смени дефиницијата за тоа што се сè смета за планета и откога на Плутон му беше одземена таа „титула“, откриени се многу џуџести планети во нашиот Сончев Систем, а научниците штотуку (неофицијално) отркија уште една – именувана 2014 UZ224.
Таа е лоцирана на 13.7 милијарди километри од Сонцето и има дијаметар од околу 530 километри, а за орбитирање околу него и се потребни 1100 „наши“ години. Иако сè уште чека потврда на статусот дека е џуџеста планета, IAU (International Astronomical Union) веќе ја вклучија во листата со останатите, како Ерис, ХАумеа, Макемаке, Церес и Плутон.
2014 UZ224 е откриена со инструментот наречен Dark Energy Camera, изграден со цел да ги набљудува галаксиите и Суперновите кои се оддалечуваат од Земјата (бидејќи “темната енергија“ е таа што ја овозможува континуираната експанзија на Универзумот). Користејќи ги сликите од оваа камера, направен е проект наречен DES (Dark Energy Survey), со намера да се креира мапа на Универзумот што ќе помогне при истражувањето на темната енергија.
Истражувачите веруваат дека со помош на DES мапите и специјалниот софтвер кој студентите го развиваат да ги анализира податоците од нив, конечно ќе може да се потврди и открие постоењето на „Планетата 9“ – потенцијална планета со големина на Нептун.