Интернационален тим истражувачи нашле „тополошки брат“ на Земјата во нашиот Сончев Систем. Користејќи податоци од радарот на мисијата Cassini на NASA, тимот открил дека Титан, најголемата месечина на Сатурн, има пејзаж исполнет со кањони и реки, многу слични како оние на Земјата, со неколку значајни разлики – додека нашите се топли и каменести, исполнети со реки вода, оние на титан се студени и замрзнати, со реки од метан.
Истражувачите се зачудени како овие кањони воопшто се формирале, бидејќи е нејасно каде е отиден целиот еродиран материјал од нив.
Откривањето на овие реки од метан значи дека Титан е солиден кандидат за развивање на вонземски живот, бидејќи постојат организми кои можат да опстојуваат и да се хранат од метанот. Таквите креатури би биле способни да метаболизираат и да се репродуцираат на начини слични како формите на живот на Земјата, со тоа што би морале да се способни да функционираат на многу ниски температури, поточно до -179 °C, колку што изнесува просечната температура на Титан.
Мисијата Cassini се очекува да трае уште некои 10 месеци, што ќе им овозможи на истражувачите да продолжат да ги истражуваат кањоните и реките на Титан, како и можноста за пронаоѓање на било какви живи организми во нивните длабочини.