Геометријата е насекаде во природата – гледаме шестократна симетрија во снегулките, фрактални шеми во брокулата, и Фибоначиева спирала во црвената зелка. Но совршена сфера е многу тешко да се сретне.
Сите месечини, ѕвезди и планети се заоблени, но со секоја ротација околу нивната оска се сплескуваат и искривуваат. Но, научниците успеале да пронајдат ѕвезда која е толку округла, да е нај сферичниот објект во познатата вселена..
Ѕвездата е наречена Kepler 11145123 (или KIC 11145123), и се наоѓа на околу 5000 светлосни години од Земјата.
Кога тим астрономи од Max Planck Institute for Solar System Research и University of Göttingen првпат ја откриле, користеле техника наречена астеросеизмологија за да одредат колку таа е сферична, при што дошле до заклучок дека бавната ротација на оваа топка од гас воопшто не ја сплескала, и дека таа преставува најсовршен сферичен природен објект познат на науката.
Кога ѕвездите, планетите и месечините ротираат околу својата оска, тие се изложени на центрифугални сили кои ги влечат екваторијалните региони подалеку од центарот на ротацијата, што предизвикува топчестите објекти да се „сплескуваат„ и да се повеќе широки отколку високи. Што побрзо едно космичко тело се врти, толку по сплескано станува.
Било утврдено дека KIC 11145123 се врти 3 пати побавно отколку Сонцето, а е повеќе од дупло поголемо од него. Разликата помеѓу екваторијалниот и поларниот радиус била само 3km, што е ништожно во однос на радиусот на ѕвездата од 1.5 милиони километри.
За споредба, Сонцето има радиум кој на екваторот е за 10km поголем отколку на половите, додека кај Земјата таа разлика е дури 21km.
Причина за совршената сферичност на KIC 11145123 е најверојатно фактот што надворешните слоеви ротираат побргу отколку нејзиното јадро.