Брзите радио бранови (FRB – Fast radio bursts) се удари од енергија кои траат милисекунда. Најјакиот ваков бран досега бил откриен од тим научници водени од Викрам Рави од Калифорнискиот Институт за технологија во Pasadena, и Рајан Шенон од CSIRO Astronomy and Space Science во Австралија.
FRB брановите содржат енергија еднаква на онаа која Сонцето ја произведува за еден ден, а нивното потекло сè уште не е целосно познато. Научниците не се способни да ги објаснат причините кои ги предизвикуваат, иако некои студии ги асоцираат со експлозии на гама зраци.
Тимот на Ravi успеал да го забележи најсветлиот FRB бран било кога снимен, кој бил толку силен што дури успеале и да го лоцираат неговиот извор, симултано користејќи два нивни детектори. Според нивните калкулации, изворот би можел да е од неколку локации од кои најверојатно е галаксијата со име VHS7.
Тие успеале да го пресметаат магнетното поле помеѓу Земјата и VHS7 преку анализирање на промените во брановата должина и поларизација на FRB-то за време на експлозијата.