Сонцето не само што е центарот на нашиот Сончев систем, туку е и единствената причина што постоиме. Но, што ќе ни се случи доколку него одеднаш го снема?
Во првите 8 минути, сите планети во Сончевиот систем ќе почнат да се движат низ Вселената во права линија, бидејќи ќе немаат околу што да орбитираат. Во овој период, до нас сè уште ќе стига сончевата светлина, бидејќи поради растојанието од 150 милиони километри, на неа и требаат 9 минути додека да стигне до нас.
Веќе од 9-тата минута, ќе настане комплетен мрак и нема да можеме да ја гледаме Месечината, која е единствено видлива поради светлината која што ја одбива од Сонцето.
За 2 месеци, температурата на Земјата ќе падне до просечни -123°C, а за 4 месеци ќе започне ново ледено доба со температури од -198°C.
Фотосинтезата ќе престане, поголем дел од живите организми на планетата ќе изумрат, освен големите дрвја, микробите кои живеат во Земјината кора и одредени врсти на животни кои ќе преживуваат со лов.
Единствена шанса за преживување на човештвото би била да се живее во подморници на најголемите длабочини на океаните, каде што топлината од Земјиното јадро по малку ќе загрева.
Но и тоа нема да трае вечно – по околу 1000 години, температурата ќе падне до -240°C, океаните целосно ќе замрзнат и атмосферата ќе колабира што ќе ја остави планетата директно изложена на радиоактивните космички зраци.
Добрата вест е што Сонцето ќе свети уште најмалку 5 милијарди години, а кога ќе почне да умира тоа нема да се случи одеднаш туку ќе биде многу бавна смрт.
Уште подобра вест е што нема да треба да чекаме толку долго, бидејќи за 1 милијарда години, Сонцето ќе стане толку врело што океаните на Земјата буквално ќе зовријат, и планетата веќе нема да е погодна за живот – барем не доколку човештвото остане во сегашната форма.