Тим воден од Лука Бинди, геолог од Универзитетот во Фиренца, пронашол ултра-редок квазикристал широк само неколку микрометри во метеорит кој паднал во Русија пред 5 години.
Во истиот овој метеорит веќе биле откриени уште два други квазикристали, но овој последниот се разликува од претходниците и во структурата и во хемиската композиција. Новиот квазикристал е составен од атоми од алуминиум, бакар и железо, но структурирани во аранжман многу сличен до оној на фудбалска топка направена од шестоаголни парчиња и е прв од овој тип во природата.
Кога прват биле откриени во 1980-тите, квазикристалите го надминувале сето она што сме сметале дека го знаеме во врска со кристалографијата.
Регуларните кристали како дијамантите или снегулките се направени од атоми со скоро совршена симетрија, додека поликристалите како што се металите и ледот имаат случајни структури кои наликуваат на аморфните тела како стаклото и повеќето видови на пластика. Квазикристалите, пак, имаат атоми со правилен распоред, но кој што никогаш не се повторува. Нивните уникатни атомски структури се фузија на симетричните карактеристики на регуларните кристали и хаосот на аморфните тела.
Квазикристалите можат лесно да бидат вештачки синтетизирани во лаборатории и во 30 годишниот период од кога се откриени, научниците им нашле примена во LED-овите, тавите за пржење и др., меѓутоа се екстремно ретки во природата – така што студирањето на ова ново откритие би можело многу да ни каже.