За прв пат, научниците детектирале временски систем на гигантска гасовита планета надвор од Сончевиот Систем, чии што облаци и насилни ветрови по се изгледа се состојат од корунд минерали, кои се основните градежни блокови на рубините и сафирите.
Во такви услови, дневните температури можат да достигнат до 2500℃, а минералите кои на скапоцените камења на Земјата им ги даваат боите ви испариле пред да поминат низ атмосферата.
Планетата е наречена HAT-P-7b,се наоѓа на повеќе од 1000 светлосни години од Земјата во соѕвездието Лебед, и е 500 пати помасивна од неа. Таа е позната и под името „врел Јупитер“ – подкласа на гасовити џинови со големина, маса и состав слични на Јупитер, но со орбита исклучително блиска до нивната матична ѕвезда, што резултира со екстремните температури на површината.
Истражувачите сметаат дека има два кандидати за материјали од кои облаците на оваа планета би можеле да се состојат – корундум, кристална форма од алуминиум оксид од што се создаваат рубини и сафири, и перовскит, калциум титаниумски оксиден минерал од кој се создаваат соларни ќелии.
Бидејќи едната страна на планетата е постојано свртена кон нејзиното сонце, таа е постојано топла, а другата студена. Поради ова, облаците се кондензираат на студената страна, а температурната разлика креира брзи ветрови кои се движат кон топлата страна каде што испаруваат.
Истражувачите планираат и понатаму да ги истражуваат ваквиот тип на планети за да добијат подобра идеја како всушност би изгледале облаците од испарени минерали на рубин – глетката на нешто такво сигурно би била фантастична.