SpaceX и NASA веќе во неколку наврати ги имаат кажано нивните планови во врска со црвената планета, а сега со сличен план е и Кина.
Ву Јанхуа, заменик шефот на Кинеската националната вселенска администрација, вели дека Пекинг планира да ја лансира својата прва сонда на Марс околу 2020-та која ќе вклучува и ровери, додека веќе во втората мисија би се земале примероци од површината на планетата.
Крајната цел е Кина да се етаблира како водач во полето на вселенското истражување до 2030-та.
До тогаш, тие планираат да имаат слетано на Месечината – цел што сакаат да се оствари до 2018 – како и да се испратат сонди до Јупитер и неговите месечини.
Оригиналната вселенска трка беше дефинирана од САД и Русија во 1950-тите и низ 70-тите. Американцијте излегоа како победници од оваа трка со слетувањето на Месечината во 1969-та.
Кина за сето тоа време заостануваше – тие го немале испратено својот прв сателит во вселената сè до 1970.
Сега, кинезите имаат испратено ровер на Месечината, лансирано вселенска лабораторија и испратено 5 екипажи во Вселената – правејќи ја трета земја во светот (покрај САД и Русија), која тоа успешно го сторила.
Инаку, како што е познато, плановите на SpaceX се да стигнат на Марс до 2025, за потоа да се колонизира во наредните 40 до 100 години, додека NASA се надева дека до црвената планета ќе стигне до 2030-та.