Нашата планета е слична на Венера на неколку начини – како на пример во големината и масата. Но, на Венера температурата на површината стигнува до 427°C, што би го убила скоро секој вид на живот на Земјата. Венера има исто така многу малку вода, количина околу 100 000 пати помалку отколку водата на Земјата. Сето ова ја прави нашата „сестринска планета“ неподобна за живот.
Но некои истражувачи велат дека не секогаш тоа бил случајот.
Venus Express – вселенско летало лансирано од Европската Вселенска Агенција – потврдило дека планетата за време на нејзината еволуција изгубила огромни количини на вода во вселената, преку ултравиолетова радијација која водата ја уништила преку атмосферата.
Исто така било докажано дека деутериумот, кој претставува тешка форма на водород, бил отсутен од атмосферата на Венера, што сугерира дека планетата порано имала вода на неа.
Од сето ова, истражувачите заклучиле дека е возможно Венера во претходните нејзини ери да имала големи океани каде што можел да биде развиен живот.
Доказите не се конечни, па за да се испитаат понатаму NASA планира неколку различни мисии кон планетата, од која една би вклучувала патување до нејзината површина и испуштање на сонда низ облаците, додека друга сонда би орбитирала околу планетата и би ја снимала нејзината површина во потрага по релевантни знаци кои би ги поткрепиле новите истражувања.