Со голем број на мисии кон Марс чие лансирање се планира во наредните години, многумина се прашуваат како луѓето ќе живеат на црвената планета, т.е како би им изгледале живеалиштата.
National Geographic во партнерство со Кралската опсерваторија во Гринич и авторот Стивен Петранек, постави изложба која ги прикажува можните домови на идните астронаути кои ќе живеат на Марс.
Креаторите на изложбата на прво место при дизајнирањето на живеалиштата ги ставиле безбедноста и економичноста. Екстериерот на куќите кои се во форма на игло е направен од марсовската почва, со цел да се максимизира користењето на материјалите кои ќе бидат на располагање на самата планета, но и да се намали тежината на товарот потребен за патот до таму.
Самото летало кое ќе се користи за да се стигне до Марс, ќе игра голема улога во изработката на живеалиштата, бидејќи делови од него ќе бидат употребени за разни елементи од како влезната „врата“ и системите за климатизирање и пречистување на воздухот. Во внатрешноста има доволно простор за работно биро, кревет, еден вид на „трпезарија“, фитнес машини, па дури и мала градина на горниот „спрат“
Цела колонија направена од вакви иглоа би била меѓусебно поврзана со подземни тунели, каде што ќе има реони за преспивање, складирање, а тука ќе се наоѓа машинеријата која ќе генерира кислород.
