Коморите за хибернација наскоро стануваат реалност

Процес кој традиционално се користи како третман при срцев удар или трауматска повреда на мозокот сега покажува потенцијал како потенцијален метод за овозможување на долготрајни вселенски патувања преку хибернација. Зад ова стои Џон А. Бредфорд, претседателот на компанијата Spaceworks.

Докторите оваа стратегија ја нарекуваат „терапевтска хипотермија“ – телото бавно се лади до температура помеѓу 32°C и 34°C (нормалната е 37°C), што го намалува крвниот притисок и ја забавува работата на срцето, давајќи им на докторите дополнително време за вршење на сериозни интервенции.

Пациентите во оваа состојба се држат околу 2 до 4 дена, иако техниката функционирала и до 2 недели без никакво мерливо оштетување на организмот. Постојат и докази дека оваа состојба е можно да трае и далеку подолг период. Jапонец има преживеано 24 дена во хипотермичка состојба откога паднал од раб на планина во Јапонија.

Бредфорд се надева дека преку дополнителна работа ќе успее да го продолжи безбедниот период на оваа состојба да трае неколку месеци и вели дека технологијата и опремата потребна за сето ова ќе биде лесно автоматизирана и спремна за употреба во Вселената.

Компанијата Spaceworks работи на систем на отворена комора во која ќе може да се сместат повеќе членови на екипажот, а за разлика од научно-фантастичните филмови каде што патниците се одржуваат во ваква состојба со години (понекогаш и стотици), системот на Spaceworks ќе нуди повеќекратни периоди на хибернација. Тоа ќе значи дека секогаш ќе има некој буден член од екипажот кој ќе може да интервенира во итни случаи, како и да ги набљудува состојбите на останатите членови.

Една од многуте работи кои ќе биде потребно да се осмислат додека сето ова стане реалност е решавањето на долготрајните (медицински) ефекти кои ги предизвикува ниската гравитација. Бредфорд и тимот работат на методи кои ќе ги одржуваат телата на екипажот активни, а едно од понудените решенија е електричната стимулација – која веќе се користи во физикалната терапија денес.

Планот Spaceworks е да започнат со тестирање врз животни наредната година, по што ќе следи тест врз луѓе во Вселената и на Интернационалната Вселенска Станица. Дури по сите овие тестови, во зависност од резултатите, ќе се размислува за меѓуѕвездени вселенски мисии.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Мујо и Фата излегле со кучето на прошетка, кога по некое време Фата се сетила дека заборавила да облече гаќи. И му текнало на Мујо идеја:
- Фато, дај на кучето да те помириса...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Интензитетот на сообраќајот на патните правци надвор од градските средини е умерен. На граничните премини нема поголеми задржувања за влез и за излез од државата. Оваа информација...
Верски календар
маченик и архиѓакон Лаврентиј. Времето на маченичката смрт на архиѓаконот на Римската црква Лаврентиј е годината 258. Во овој период христијаните во градот Рим се гонети особено...
На денешен ден
1839.- Велика Британија на почетокот на...
1914.- Јапонија и објави војна на Германија во...
1939.- Министрите за надворешни работи на...
1962.- Американскиот телекомуникациски сателит...