Научници од Интернационалната Вселенска Станица (ISS) направиле експеримент каде што на алга и дозволиле да престојува во вакуумот на вселената цели 16 месеци, со изненадувачки резултати за сите – оваа едноставна билка тоа го преживеала.
И покрај екстремните варијации на температурата, UV радијацијата, космичката радијација, и долгиот период поминат во такви услови, алгата жива била вратена на станицата.
Истражувачите на станицата моментално вршат испитувања кои се дел од BIOMEX проектот (Biology & Mars Experiment), а експериментот со алгата имал за цел да ја тестира издржливоста на оваа врста при изложеност на студените температури во вселената. Бидејќи мешавината од екстремните услови кои се среќаваат во таа средина е скоро невозможно да се реплицира во лабораторија, екипажот на ISS решил да ја искористи својата локација да ги тестира алгите.
Откога експериментите целосно ќе завршат, примероците од преживеаните алги ќе бидат испратени назад на Земјата каде што ќе поминат низ ригорозни тестови со кои ќе се дознае колкаво влијание имала комбинацијата од ниските температури и радијацијата. Овие информации можат да бидат од суштинско значење за иднината на мисиите на Марс со човечки екипаж, бидејќи би помогнале за обезбедување на безбедноста на луѓето и било која растителна храна која би ја внесувале во себе.