NASA е решена да истражи дали постои живот на Европа – ледениот сателит кој орбитира околу Јупитер, така што ќе ја дупчи неговата површина со специјален ровер.
Нов извештај на NASA дава детали околу плановите за роверот со тежина од 42.5kg кој би можел да дупчи до длабочина од околу 10cm, и да ги анализира примероците почва користејќи инструменти вградени во него.
Мисијата би можела да започне уште во 2024-та, со пристигнување на дестинацијата во 2031-ва.
Дизајнот на роверот вклучува систем од камери кои ќе снимаат фотографии од површината на сателитот, како и разни инструменти за анализи „во живо“, како антена за комуникации и геофон за набљудување на геолошката активност.
Во него би бил вграден и спектрометарски систем со чија помош ќе се идентификува хемискиот состав на примероците од почвата, преку процесот на јонизација.
Истражувачите се надеваат дека ќе пронајдат „биолошки потписи“ т.е знаци на изумрен или присутен живот скриен во елементи како изотопи и молекули.
Покрај барањето на живот на Европа, роверот ќе ја истражува и потенцијалната можност за населување на овој сателит, како и прибирање на информации кои на научниците ќе им овозможат да дизајнираат идни роботи кои би биле способни да дупчат до најмалку 19km под површината за да допрат до подземните океани за кои се претпоставува дека постојат.