Истражувачи вклучени во мисијата „зора“ (Dawn) на NASA постојано ја студираат џуџестата планета Церес, која се наоѓа во астероидниот појас помеѓу орбитите на Марс и Јупитер.
Оваа мисија веќе има откриено докази за постоење на вода, ледени вулкани и карбонатни минерали кои ги предизвикуваат мистериозните светли точки на неговата површина, а истражувачите сега пронашле траги на органски молекули користејќи го спектрометарот на Dawn, кој ја мапира површината на планетата во видливи и инфрацрвени бранови должини.
Според Карле Питерс, истражувач од ова мисија, тие имаат податоци кои ќе обезбедат геолошки контекст за пронајдените депозити, што ќе им овозможи да го утврдат потеклото на овие материјали, пронајдени во регионот Ернутет кој е покриен со кратери.
Органските молекули како што се карбохидратите, нуклеинските киселини и протеините, се основните градежни блокови на животот. Органски материјали биле претходно најдени на разни метеорити како и на Марс, меѓутоа бидејќи на Церес веќе постојат докази за вода и карбонатни материјали, новопронајдените органски молекули индицираат дека на Церес е можеби возможно да се развие живот.
Потребни се уште многу истражувања за да се утврди дали на Церес било можно да се развијат микроби, но како и да е научниците сметаат дека е одличен фактот што сите состојки за живот вон Земјата биле лоцирани на исто место и тоа во објект кој е во наша близина, што го прави лесен за истражување.