Истражувачи пронашле реон во една античка долина на Марс за која веруваат дека е од голем интерес во потрагата за знаци на поранешни форми живот на планетата
Тој е откриен од истражувачкиот тим од Тринити колеџот во Даблин и во не толку далечното минато бил под вода, а откритието било овозможено благодарејќи на претходната студија на истиот тим во Намибиската пустина, каде што биле забележани идентични модели кои се случувале помеѓу мигрирањето на песочните дини.
Овие модели, опишани како „лачни стрии“, биле последица од седименти на дини кои останале откога водата под површината испарила. Овие седименти подоцна се покажало дека биле релативно неподвижни, што значи дека биле останати зад дините кои продолжиле да мигрираат во правецот на ветерот.
Кога биле скенирани сателитските слики од тој реон на Марс, истражувачите го забележале истиот модел на траги во пустината, што сугерирало дека тука постоела вода во релативно скорешно минато.
Оваа хипотеза предложена од истражувачите од Тринити колеџот може да даде нов поттик во потрагата по живот на Марс.