За околу 20 до 70 милиони години се смета дека Фобос, месечината на Марс, ќе биде распарчена како што ќе се приближува кон планетата, и ќе креира прстен од остатоци сличен како оној околу Сатурн.
Двајца истражувачи од Лабораторијата за физика во Индија пронашле докази дека овој процес веќе е започнат – тие сугерираат дека планетата можеби веќе развива прото-прстенест систем.
Тие користеле податоци од леталото MAVEN (Mars Atmosphere and Volatile EvolutioN Mission) на NASA, кое е навлезено во орбитата на Марс во септември 2014та за да ја студира композицијата на неговата атмосфера, и откриле дека околу планетата се наоѓа облак од прашина, на височина од 150 до 1000 километри над површината, воглавном составен од меѓупланетарни остатоци.
Овој облак имал многу малечка количина на материјал (околу 0.6%) кој доаѓал од една од двете месечини на Марс. Научниците сугерираат дека ова би можело да биде почеток на формирање на прстенот кој би опстојувал до крајот на постоењето на планетата.
Орбитата на Фобос се деградира за околу 2 метри секој век, а тоа има две можни исходи – за 20 милиони години или повеќе, Фобос или ќе се сруши на површината на Марс, или ќе се искрши и ќе создаде прстен, во зависност од неговата цврстина.