Лианг-ши Ли од Универзитетот во Индијана со помош на интернационален тим научници откриле нов начин за рециклирање на јаглеродниот диоксид во Земјината атмосфера, наречен „молекуларен лист“.
Со употреба на светлина или електрицитет, молекулите создадени од тимот можат да го конвертираат овој гас во јаглерод моноксид, кој може да се користи како гориво во процес кој создава изобилство на енергија, но и јаглерод диоксид.
Бидејќи повторното конвертирање на јаглерод диоксид назад во јаглерод моноксид бара подеднаква количина на енергија колку што се ослободува со горење на моноксидот, процесот води кон наталожување на јаглерод диоксид.
Работата на истражувачкиот тим може да води до редуцирање на ова наталожување со тоа што циклусот на конверзија ќе го направи далеку поефикасен.
Нанографинската структура на молекулот има темна боја која апсорбира големо количество сончева светлина, а енергијата од неа потоа се користи од рениумскиот „мотор“ на молекулот за производство на јаглерод моноксид од диоксид.
Од почетокот на индустриската револуција, нивото на јаглерод диоксид е зголемено од 280 делови на милион на 400 делови на милион во последните 150 години, а научниците се сложни во заклучокот дека причинител за зголемувањето на Земјината температура во последните 50 години со 95% сигурност се гасовите создадени од човечкиот фактор.
Тимот научници се надева дека ќе го унапредат нивниот молекуларен лист со тоа што ќе создадат верзија која може да преживее и во друга форма освен течна, а исто така се бара и начин да се замени рениумот со манган, кој е многу поисплатлив за репродукција.