Пред 25 години, NASA го лансираше првиот вселенски телескоп за да може од поблиску да ги студираме околните галаксии. Вселенскиот телескоп Хабл до сега има направено над 1.3 милиони опсервации кои овозможиле бесценети информации на астрономите и останатите истражувачи. Меѓутоа, во 2020-тите, овој телескоп ќе престане да ја врши својата функција, па поради тоа во 2018-та NASA ќе ја лансира неговата замена – Џејмс Веб телескопот.
Овој телескоп името го добил според шеф на NASA која ја водел агенцијата во 1960-тите, а се пензионирал пред човекот да застане на месечината со Аполо мисијата, и ќе биде поголем и подобар од Хабл – има 7 пати поголема моќност во собирањето на податоци, може да функционира при температури ниски до апсолутната нула (-237.15 °C).
Единствена работа која Веб не може да ја прави, а Хабл може, е набљудување на ултравиолетовите зраци. За таа цел, NASA ќе користи неколку опсерватории на Земјата кои ќе започнат да функционираат во 2030-тите, доколку финансирањето на нивните мисии биде одобрено.
Помеѓу лансирањето на Џејмс Веб телескопот и „пензионирањето“ на Хабл, ќе има краток период кога астрономите ќе можат да ги користат двата истовремено. Една од поважните цели на Веб телескопот е да им помогне на астрономите да ги лоцираат галаксиите кои го формирале нашиот универзум, да ги набљудува формирањата на планетарни системи и ѕвезди од почеток до крај и да бара потенцијален живот во вселената.