Една од алатките на бескрајната потрага по живот во вселената ќе го доживее крајот ова лето: сондата Cassini која орбитира околу Сатурн и чини 3.26 милијарди долари ќе се самоуништи.
Сондата помагала на научниците за подобро разбирање на Енцелад и Титан, познатите месечини на Сатурн, собирајќи докази во поддршка на хипотезата дека нивната тенка ледена обвивка можеби крие океани полни со живот.
Сега, NASA планира да и приреди „гранд финале“ – помеѓу април и септември 2017, Cassini ќе се приближува кон Титан и Сатурн, ќе патува помеѓу прстените на планетата (што ќе биде негова последна мисија) и со тоа негово саможртвување ќе им помогне на научниците како гигантските планети се формирале и еволуирале.
Научниците на NASA планираат да соберат податоци во врска со гравитацијата и магнетните полиња на Сатурн, истражувајќи примероци од честички од атмосферата на планетата и снимајќи фантастички фотографии од неговите прстени и облаци низ финалното спуштање на леталото.
По 3 декади развивање и 2 на истражување, сондата Cassini-Huygens ќе има спектакуларен крај. Во своето патешествие, леталото досега обезбедило на научниците податоци кои
воделе до некои од највозбудливите откритија изминативе декади – вклучувајќи ги и доказите за можноста на населување на нашиот сончев систем.
Благодарејќи на неа, имаме подобро разбирање за времето и моделите на неговите сезони на Земјата, потенцијалното потекло на животот на нашата планета, условите потребни за живот, развитокот на планетарните системи околу другите ѕвезди, па дури и за создавањето на подобри ракети.