Неделава астронаутот Пеги Витсон го сруши рекордот за најдолго време поминато во вселената за астронаут од САД, по 534 дена поминати подалеку од Земјата. Но, со можноста за поминување уште подолг период во вселената, се поставува прашањето како астронаутите можат да се одржуваат кога не се на Земјата?
Научниците на NASA заедно со истражувачи од одделот за агрикултура од Универзитетот во Аризона развиле прототип на стакленик на надувување кој може да се користи за растење на зеленчуци во вселената.
Прототипот е дизајниран да ги одржи астронаутите на континуирана вегетаријанска исхрана во далечните локации, како што се Месечината или Марс. На Интернационалната Вселенска Станица, научниците на NASA долго време се здобивале со искуство во одгледување на растенија во вселената, а новиот стакленик на надувување со димензии 5.5 x 2 метри може исто така да се користи за ревитализација на воздухот, рециклирање на вода или отпад.
Уште една негова намена ќе биде јаглеродниот диоксид издишан од астронаутите да се користи за билките во него да фотосинтезираат и генерираат кислород. Целиот овој процес се нарекува биорегенеративен систем за подржување на живот.
Инаку, хидропоничната комора каде ќе растат билките може да користи природно или вештачко LED осветлување.
